[Ezzat]

الكون الى حوالينا وكل حركته مش ماشى بفوضى وزى ما تيجى،لكن كل حاجة ليها قانون بيحكمها ويمشيها

زى كده الحياة مع ربنا، فيه قوانين ومبادئ روحية بتحكم وجودها وصحتها واستمرارها

المبدأ الأول:
ربنا بيحبك أنت شخصياً.. باسمك..
ومجهزلك خطة رائعة جداً لحياتك

عن محبة الله قال الكتاب:

لأنه هكذا أحب الله العالم حتى بذل ابنه الوحيد لكى لا يهلك كل من يؤمن به بل تكون له الحياة الأبدية يوحنا 16 : 3

أما عن خطته لحياتنا فقال عنها المسيح:

أما أنا فقد أتيت لتكون لهم حياه وليكون لهم أفضل يوحنا 10 : 10

يعنى ايه حياة أفضل ؟؟
يعنى حياة ممتلئة فياضة وليها هدف ومعنى

لكن ليه معظمنا مش بيستمتع بالحياة الحلوة دى رغم انها متوافرة لينا ؟؟؟
علشان ...

المبدأ الثانى:
علشان الانسان خاطى ومنفصل عن حياة الله.. علشان كده مش بيقدر لا يعرف ولا يختبر المحبة دى فى حياته..

الإنسان بطبيعته خاطئ ..

إذ الجميع أخطأوا وأعوزهم مجد الله روميه 3 : 23

الله خلق الانسان علشان تكون ليه معاه شركة، لكن المشكلة انى الانسان بعد عن
طريق الله وكسر وصاياه، وانطرد بره جنه عدن، واتكسرت الشركة بينه وبين ربنا.. حصل انفصال
والانفصال هو ده المشكلة، وهو ده اللى بيسميه الكتاب المقدس خطية، والى بتظهر فى حياتنا بصور مختلفة.. منها:

* لما الانسان يعصى ويتمرد ويرفضوصايا ربنا فى حياته
* لما اهمل علاقتى معاه وأعيش حياتىبعيد عن وصاياه

* كمان لما أكون مش قادر أعيش فىالمستوى الى ربنا عايزه منى فى حياة القداسة..

مثال: الى جاب 49.5، والى جاب صفر فى مادة النجاح فيها من 50 درجة، الاثنين بينزلوا فى كشف الراسبين، لأنهم هما الاثنين مجابوش درجة النجاح اللى هى "50"

** المشكلة هنا مش أنا بعمل كام خطية، ولا ايه نوعية الخطية، لكن المشكلة انه فيه انفصال بينى وبين ربنا، وعلشان كده أنا بغلط..

الانسان منفصل عن الله

لأن أجرة الخطية هى موت .. أى انفصال الانسان روحياً عن الله

رومية 6:23

الله قدوس .. الانسان خاطئ .. وهناك مسافة كبيرة بتفصل بين الاثنين

كل واحد فينا حاول كتير يوصل لربنا والى حياة حلوة مختلفة معاه، لكن حاولنا بمجهوداتنا الشخصية، ففكرنا انه لو عملنا حاجات كويسة، أو ابتدينا نروح الكنيسة، أو بعلمنا وفلسفتنا يمكن نلاقى طريق يوصلنا..

لكن المشكلة رغم ان كل الحاجات دى حلوة لكنها طالعه من قلبى الأثيم الفاسد.. علشان كده مش بتعملى حاجة فى حل مشكلتى.. المشكلة مش فى ايه اللى أنا بعمله، لكن فىّ أنا اللى بقدم العمل..

فى المبدأ الثالث نلاقى الحل الوحيد لهذه المشكلة

المبدأ الثالث:

يسوع المسيح هو الطريق الوحيد الى من خلاله أقدر أوصل إلى الله فى علاقة جديدة من تانى وأقدر كمان اختبر محبته وخطته الرائعة لحياتى..

المسيح مات بدلاً عنى وعنك

ولكن الله بين محبته لناونحن بعد خطاه مات المسيح لأجلنا

روميه 5:8

مش بس مات لكن كمان قام منتصراً على الموت

أراهم نفسه حياً ببراهين كثيرة بعدما تألم لهم أربعين يوماً ويتكلم عن الأمور المختصة بملكوت الله

أعمال 1:3

وأصبح المسيح هو الطريق الوحيد

قال يسوع:

أنا هو الطريق الوحيد والحق والحياة ليس أحد يأتى الى الآب إلا بي

يوحنا 14:6

الله هو الى أوُجد حل لمشكلة انفصالنا عنه لما أرسل ابنه يسوع المسيح علشان يموت بدالنا على الصليب.. علشان يدفع تمن خطايانا، ويقدر يقربنا من جديد ليه

لكن خلى بالك
ماينفعش نعد 1 و 2 و 3 ونوقف

فيه حاجة مهمة خالص أو مبدأ لازم نختم بيه

المبدأ الرابع:
لازم على كل واحد مننا انه ياخد خطوة شخصية بتوبه صادقة، انه يفتح قلبه للمسيح علشان يدخل كسيد ومخلص لحياته، وبكده يقدر انه يختبر صح محبته وخطته الرائعه ليه..

لازم نقبل المسيح

أما كل الذين قبلوه -وليس سمعوه- بل قبلوه كملك وسيد فأعطاهم سلطاناً أن يصيروا أولاد الله أى المؤمنون بإسمه

يوحنا 1 : 12

فكلمة مؤمن هنا = من قبل المسيح فى حياته

وازاى اقبل المسيح.. بالإيمان

لأنكم بالنعمة مخلصون بالإيمان وذلك ليس منكم هو (اى خلاص الله ) عطية الله ليس من أعمال كى لا يفتخر أحد

افسس 2 : 8-9

وده ممكن يحصل لما نصلى ونطلب منه أنه يدخل ويملك على حياتنا بالكامل

المسيح بيقول :

هأنذا واقف على الباب واقرع إن سمع أحد صوتي وفتح الباب أدخل اليه وأتعشى معه وهو معي

رؤيا 3 : 20

مينفعش نقتنع بعقولنا ان الكلام ده ميه ميه، ولا نتأثر بيه بمشاعرنا، وخلاص على كده.. لكن لازم ناخذ قرار بإراداتنا الواعية انه احنا عايزيين نعيشه،
وده معناه:

* التوبة.. ومعناها انه لازم نغير اتجاهنا منذواتنا ومن الطريق الغلط ونحط رجلينا فى الطريق الصح.. طريق توبة الحياة
* الثقة.. لازم نصدق ان المسيح عايز يدخل فعلاً حياتنا وعايز يغفر ويطهر قلوبنا من كل خطية فيها..
* الطاعة.. مهم يكون عندنا الرغبة والاستعداد انه يغيرنا، باننا نطيعه ونحفظ كلامه علشان نكون زى ما هو عايز..


خلى بالك معايا..
هنا فيه دايرتين بيمثلوا حياة كل واحد فينا:


الدايرة الأولى

حياة.. الملك فيها هو أنا (أعمل اللى أنا عايزه)
المسيح بره القلب (سواء قريب شويه أو بعيد خالص، لكنه بره الدايره)
الأنا ومحبة الذات متربعه على العرش

الدايره التانية

حياة.. الملك فيها هو المسيح
المسيح دخل القلب وبقى سيد على كل الحياة، الأنا والذات بقيت خاضعة للمسيح ولكلمته وسلطانه..

جينا هنا لسؤال مهم
أى دايرة من الاثنين بيمثلوا حياتك أنت شخصياً ؟؟
الأولى ولا التانية ؟؟؟؟

لو أنت فى الدايرة التانية (المسيح سيد حقيقى على عرش حياتك..) يبقى يا بختك وربنا يكمل معاك..

لكن لو أنت فى الدايرة الأولى (عايش حياتك بنفسك) وعايز تبقى فى الدايرة التانية بجد.. تقدر تعمل كده دلوقتى..
خلينا نشوف ازاى

ممكن تبتدى توبة حياة حقيقية دلوقتى

أطلب منه أن يدخل حياتك (إن سمع احد صوتى وفتح الباب) وصدق أنه قادر أن ينفذ وعده ليك (أدخل إليه وأتعشى معه)

..

الله عارف قلبك وعارف اللى جواك.. علشان كده هو يهمه صدق القلب أكتر من كلام اللسان

لو أنت عايز بجد تقدر تصلى وتطلب من قلبك ربنا، ولو مش عارف تقول ايه فى الصلاة ممكن تستخدم صلاة زى دى.. بس صليها بإيمان ورغبة من قلبك مش بس من لسانك..

يا رب يسوع.. انا بعلن احتياجى ليك.. أنا عشت حياتى بنفسى وبعدت عنك كتير.. أشكرك لأنك بتحبنى وبتدور علىّ .. أشكرك لأنك مت علشانى، علشان تقربنى منك.. سامحنى يا رب.. أنا بفتحلك قلبى وحياتى.. أدخل وطهرنى.. وحررنى من قيودى.. قلباً نقياً اخلق فىّ يا الله، وروحاً مستقيماً جدد فى داخلى.. غير حياتى وكون أنت سيد على كل أيامى اللى جاية، علشان أعمل مشيئتك وأعيش فى رضاك.. أشكرك لأنك سمعت صلاتى.. ولأنك هاتكمل معايا.. آمين

لو الصلاة دى بتعبر عن احتياج جواك ماتستناش..

ممكن تصليها وأنت فى مكانك دلوقتى وهو هايسمعك لأنه بيحبك وبيدور عليك..

لو صليت الصلاة دى وحابب تشاركنا،
أو مش عارف تصلى بس عايز تاخد خطوة التوبة الحقيقة فى حياتك لكن فى معطلات فى حياتك.. لو لو لو

ابعتلنا على msashora@hope4me4u.com

علشان نساعدك بطريقة شخصية
كما يمكنك التواصل من خلال الشات على
hope4me4u@hotmail.com
hope4me4u2005@yahoo.com
hope_sms@yahoo.com

أسرع اليه فهو ينظرك كما أنت

[chester]

موضوع جميل اوي اوي اوي يا استاذ عزت وياريت كل الناس تقرا وتستفاد منة

[دندش]

بجد احييك جدا على الموضوع الجميل ودا من افضل المواضيع اللى قريتها فى كل المنتدايات بجد
وياريت نعمل كل اللى قلتة يا استاذ عزت بجد
ربنا يقربنا لية
كمان لما أكون مش قادر أعيش فى المستوى الى ربنا عايزه منى فى حياة القداسة..
ويعيشنا فى المستوى دا
ميرسى يا استاذ عزت وبجد الموضوع دا غيرنى كتير ربنا يحميك

[الحلم الوردي]

موضوع جميل قوي استاذ عزت
انت كل مواضيعك جميله ونقدر نستفاد منها
بجد شكرا
ربنا يباركك
صلي من اجلنا

[marcoelmoa]

بجد ان ا كان نفسى يبقى فى موضوع ثابت عن الكلام ده
وفعلا انت قدرت تكتبه وتثبته
عشان يبقى منارة لكل تايه
ومنارة لكل حد نفسة يعيش صح
ومش عارف فين الطريق
وانت باختصار شورة على الطريق فى المضوع ده
ربنا يباركك
ويكون الموضوع ده سبب تغير حياة ناس كثير
ربنا يباركك

[في أمل]

اولا باشكر الاخ عزت على الموضوع الرائع ده
ثانيا باتمني ان كل واحد يدخل المووضع ده .. ويقراه ويستفاد منه
ولو حتى كان شافه من قبل كده .. انه مايقراش وبس
لكن يحاول على أد ما يقدر يشارك بيه الناس اللي حواليه ..
لأن بجد الكلام ده مهم جداااااااااااااااااااااااااااا .. ولازم نعمل على أن كل الناس تعرفه

[MAGDY_JESUS]

موضوع جامد وشامل
ربنا يعوض تعب محبتك

[engi]

موضوع حلو اوى واثر فى بجد ميرسى يااستاذ عزت ربنا يبارك حضرتك كتير على تعبك معانا ربنا معاكو كلكم امين

[doodoo123]

الرب يباركك استاذي الكبير عزت
بجد موضوع فوق الراااااااااااااااائع
ويارب يكون سبب بركه للجميع
وسبب تغير نفوس كتيره
الموضوع بجد بدايه لحياه نقيه مليانه بالقداسه والطهاره
يارب ادينا نسلك بطريقك ونعيش معاك وفي محضر قدسك طول حياتنا
انا بجد بحني راسي ادام موضوع خيي الكبير
الرب يديك بركه ويستخدمك في قوه اكبر في كل خدامتك لمجد اسمه

[Ezzat]

شكرا لكل شخص شارك بكلام مشجع.. ربنا يباركم
لكن نفسى قوى يكون لينا دور ايجابى اكتر فى نشر الرساله دى لكل شخص نعرفة

نقدر ناخد اللينك بتاع الموضوع ونبعته فى اميلات لاصحابنا، وممكن من خلال الماسنجر كمان

نفسنا رساله محية المسيح توصل للجميع

[ريتا]

موضوع رائع وانا استفدت منه الرب يبارك فيك اخي عزت

[رامى مجدى]

استاذ عزت

انا قريت الموضوع زى ماوعدتك وبقولك انى هتغير وان النعمة اللى فيك من المسيح هى هتكون سبب تغيرى ودايما هتكون حياتى مع المسيحوهصللى الصلاة اللى انت قايلها لانها هى اللى انا عاوز اقولها لربنا..
بجد بشكرك وماتنسانيش

[رامى مجدى]

يارب
بين يديك اضع قلبى
بين يديك اضع كل امورى
فتصرف يارب بحياتى كماتريد
اعود اليك يارب بعد طول غياب
اعود وكلى اشتياق اليك والى محبتك
اعود وانا نادم على كل مافعلت وما اخطأت اقول لك الأن
ياأبتاه اخطأت فى السماء وقدامك ولست بمستحق بعد ان ادعى لك ابنا بل اجعلنى كأحد اجراءك
اريد ان تعمل يدك لكى ماتسير مركبى فبدونك تغرق او تضيع مرساها
ها صلاتى يارب اليك اوجهها فاستمع الى طلبتى
ارحمنى فانا الخاطى . طهر قلبى وفكرى وارشدنى الى الصواب الذى به ارضيك ولا اخالفك
وأشكرك يارب لأنك تفتح بابك فى وجهى
فاقبلنى الان يارب لاعيش فى حماك
فأنا الابن الضال العائد اليك ضعيفا منكسرا من البعد عنك
ربى والهى يسوع احبك دوما لأن فى حنانك لاأجد مثيل
انا الحمل المطمئن لان لى راعى حنون وامين
صلاه مهداه الى المنتدى

[engi]

ربنا يباركك يارامى ويستخدمك كمان لمجد اسمة القدوس

[** maya **]

شكرا جدااااخي المحبوب.........عزت

علىرسالتك القيمه التي تقوم بها الى شخص فينا.......

فعلا انها رساله قويه ومباركه

ربنا يباركك ويقويك ويستخدمك لمجد اسمه

[peter1991]

ازاى اكون مع المسيح بلا خطيه

ان الانسان ان يكون مع الله ليعرف كل خطوه هوه ياءخذها فى حياته

[خادم الملك]

ربنا يباركك اخ عزت

[mkram]

استاذ عزت انا بصفه خاصه انا اشكرك على الموضوع الجميل ده بس انا اطلب منك ان تصلى معى ان ربنا يسامحني ويغفرلى خطايا ويملك على قلبي لان بجد انا الذات هى الا بتملك دلوقتى بس انا الوضع ده مش عاوزه انا عاوزربنا هو الا يملك على قلبي بس مش عارف ازاي الرجاء الصلاه من اجلى عشان ربنا يملكنى كلى مش بس قلبى واعمل مشئته لا مشئتي امين انا اسف انى طولت

[dalia_dodo]

الموضوع ده جميل جدا
اتمنى انه الناس تقرأه
وأصلى انهم ياخدوا خطوات حقيقيه فى حياتهم.

[toky]

الموضوع بجد هايل
وكويس قوى موضوع الخطوات والمراحل
انا هحاول اجرب وصلولى انى ربنا يسمع منى
شكرا ليك ربنا يعوض تعب محبتك يااستازنا

[روبير2]

ياريت فعلا الناس تشوف الموضوع
وكمان تتغير علشان يختبروا محبة المسيح ويتمتعوا بعلاقة مع الله عن طريق المسيح

[StarMan]

موضوع 10 على 10 ممتاز بجد ممكن نقول احسن موضوع فى المنتدة ده حقيقى

[lovly.maroo]

موضوع كتير حلو استاذ عزت تسلم على هيك الموضوع

[ابو روفينا]

بصراحة موضوع جميل بس لي بعض الملاحظات
الكلامة المكتوب ده جميل جدا بس ظروف الحياة صعبة وبتخلي الواحد يتراجع عن الطريق الصح فياريت لو تكمل الموضوع كيف اعيش في الحياة الصعبة ولا اتراجع عن طريق المسيح
وياريت تقبلوني عضو في المنتدى

[mina_sonlord]

اهلا بيك في المنتدي

[manrvaaa]

الموضوع حلو جداااااااااااا و فعلا بيلمس كل شخص انه ازى يشوف علاقته بربنا ازى
ربنا يبارك تعبك و ياريت نشوف مواضيع تانيه زى كده

[RERE]

بجد موضوع جميل جدا انا بقالى فتره بعيده عن ربنا ومش بصلى وكنت دائما اطلب من ربنا يغير حياتى من غير ماانا ابدء بالتغير وكنت كل يوم اقول اصلى ومش بصلى اكسل والشطان يحربنى وافكار الشيطان الوحشه كتير وكنت بحس ان ربنا مش سمعنى ومش عايز يساعدنى والنهارده اخد خطوت الصلاه بالاجبيه علشان احس ان ربنا معيا بص المشكله وانا بصلى كنت بسرح كتير واخر الصله طلبت من ربنا انو يمد ايده ويحسسنى انو معيا وانا بقالى كتير مدخلتش على المنتدى ليقيت حاجه بتشدنى ودخلت وقرات الموضوع بجد حسيت انو ربنا بيعطينى علامه انو معيا ومش هيسبنى وانى هبدا حياه حلو مع ربنا بجد ربنا يباركك وتكون سبب لناس كتير ويقربو ربنا معاك

[يوليانه]

موضوع بجد حلو قوى ومهم علشان الانسان مع ربنا فعلا يبقى عايش مبسوط فى الحياة دى ويكون مع ربنا يسوع فى الابدية فعلا ربنا يدينا كلنا توبة حقيقية وعدم رجوع للخطية شكرا ربنا يعوضك صلى لاجلى

[توونة]

ميرسى على الموضوع
ربنا يوض تعب خدمتك ومحبتك

[mela_wahba2005]

اللهما ارحمني انا الخاطي
ان امنت بقلبك واعترفت بفمكك خلصت
ان اعترفنا بخطيانا فهو امين وعادل حتي يغفر لنا جميع خطيانا ويطهرنا من كل اثم
توبوا وارجعوا لتمحي خياكم لتاتي اوقات الفرج من وجه الرب
ارجعوا الي ارجع اليكم يقول الرب
وهو لميزل بعيدا راه ابوه فرقد ووقع علي عنقه وقبله فرحا
انا واقف علي الباب واقرع انسمع احد صوتي وفتح الباب ادخل اليه اتعشي معه وهومعي

[mela_wahba2005]

شكرا للمنتدا علي قبول مشاركتي

[tmnt]

جربت كتير لكن مقدرتش اكمل التنفيذ صعب

[rody]

ربنا يباركوا على تعبكوا وبجد الموضوع حلو قوى ومفيد جدا لكل واحد فينا

[جوزيف سعيد]

موضوع جميل الرب يباركك

[Randa Abdo]

بجد موضوع جميل اوى
ربنا يعوض تعب محبتك خير

[manny]

موضوع فى غاااااااااية الروعة
ربنا يعوض تعب محبتك

[نجم الشمال]

اصعب شي عند الانسان هوا اخذ اول خطوة و اول خطوة

هيا مشكلتي

فساعدوني على اخذ خطواتي و ازالة التردد الذي يسكنني

[romyoo1]

موضوع رائع ومميز جدا
ومفيد
الله يبارككك

[maramero2010]

موضوع فوق الروعة بجد انا استفدت منة كتير ربنا يباركك اخ عزت

[remo adel]

الموضوع حلووووووووووووو جداااااااااااااااااااااااااااااااااااااااااااا

جداااااااااااااااااااااااااااااااااااااااااااااااا اااااااااا

انا استخدمته ونشرته علي مواقع كتير مش بس المسحيين يقدروا يشوفوهااا وحتي اللي مش مسحيين دي مواقعهم
ومواقع عامه برضه ونسبت اخر الموضوع اللي ا/عزت وكتبت اسم الموقع انه منه
ارجو ده مش يدايقك يا ا/عزت
وربنا يباركك

الموضوع جميل جدا والفيديو حلو بجد اوى

[الحب الأعمى]

موضوع جميل اوى ...... بجد أنا استفدت منه جداً ربنا يعوض تعب محبتك يا استاذ عزت
الله قادر أنة يدخل قلب كل واحد فينا و يملك قلبة و يرسملوا طريقة اللى أخره الملكوت.......... أنا مبسوطة اوى أنى سجلت فى المنتدى و بقيت وسطيكوا بجد.........

[rona rona]

جامد جدا بجد يااستاذ عزت اانا حاسه اني درست دراسه زي كده زمان ونسيتها فبجد الموضوع جدد لي حاجات كانت اتنست ميرسي كتيييير

[bent el fady]

رااااااااائع بجد ربنا يبارك فى خدمتك

[ماجدولين]

سلام المسيح ان الله ابانا يتوقع من اولاده ان يكرسوا نفوسهم لمشيئته بالطاعة سلامنا وسعاتنا تتوقفان على هذا التكريس لمشيئته اذ بذلك تتحد ارادتنا مع الله وكياننا كله يصبح متحدا معه اذا قادك الله في طريق معاكس لارادتك ورغباتك فانه بذلك يتحداك لتسلم مشيئتك اليه انه يريد ان يهبك الهبة العظيمة بان تتحد معه باراتك وكينك كله

[marena1995]

بجد موضوع رائع ربنا يباركك استاذ عزت

[ماجدولين]

سلام المسيح اذا جلست في الظلام بين يدي الله استعمل اخلاق الا طفال فالطفل اذا طلب شيئا ولم يعطه يبكي حتى ياخذه فكن انت هذا الطفل واطلب حاجتك

[Antoneoo]

موضوع جميل جدا وربنا يباركك

[tottota]

موضووووع حلو جداااا
ميرسى ليك استاذ عزت
وربنا يعوض تحب محبتك ويستخدمك لمجد اسمه

[caroOoOo]

ده موضوع جميل جدا.يمكن انا اخدت قرار انى اعيش مع المسيح باقى حياتى لكن كلنا عارفيين ان الواحد اوقات بيمر بفترة فتور،والموضوع ده بجد ساعدنى على انى ارجع لحضن يسوع واسيب الحزن والخنقة والكآبة لابليس يشبع بيها.مرسى جدا على موضوع هادف جميل زى ده ربنا يباركك

[كيرو_كيرلس]

سلام ونعمة لكل الموجدين احب اعلق علي الموضوع ده واقول ان الموضوع ده اكتر من رائع